البنـــــــــــــات عالمنتديـــــــــــــــــات ...

البنــــــــــــــــات عالمنتديات

========


عنوان ملفت للانظار

تعالو نشوف اية ومين هما البنات عالمنتديات



فى بنت بتكون عايزة تعمل دلوعه وركيكه ههههههه

ودى تلاقيها حاطة دايما صور دباديب واطفال وصور كارتون زى " سالى وليدى " وغيرها
ودايما تكتب بألوان هادية وجذابة " وردى والاحمر "
وتلاقيها دايما بتتنقل من موضوع لموضوع كل 3 ثوانى علشان اسمها يتنشر فى السايت


واذا دخلت موضوع لولد وكان موضوع مرعب ولا حاجه

تلاقى طالع منها ردود عسلية خالص

اهئ اهئ اهئ

واااااااااء وااااااء

الحقينى يامامتى
تعالى خدينى ياماما

دا انا مش هيجينى نوم النهاردة
اهئ اهئ اهئ ياقاسى

وعاملة فيها بنت ناس اوى



فى بنت نوع تانى اللى هي بتعمل مريضة

تلاقيها داخلة كل موضوع بالوباء كدا

يااااااااااااااااااااااااااااااااااى انا تعبانه اوى وعندى برد فظيع فظيع

مش قادرة اخد نفسى ،، هموووووووووت ياناس

اهئ اهئ مش عايزة اروح مستشفى انا مش بحب الحقنه

اهئ اهئ اهئ

وبعدين تبطل عياط وتدخل علينا بالكحه

كح كح كــــــــح

ودى بقى مش بتسيب حد فى السايت الا وبيعرف انها مريضة

بتنتشر فى جميع انحاء السايت علشان الكل يعرف انها مريضة

وفاكرة نفسها خفة بقى وبتستعطف الى قدامها بالكحه

يحرق ام الخفة اللى بالشكل دا هههههههههههه




فى النوع التالت بقى اللى هو المثقف

وياااااااااسلام بقى لو كانت جامعية ولا حاجه

تفضل تحكى عن الكلية بتاعتها وتقولك انا انا انا

وعندى بكرة exam ومش عندى مزاج اذاكر

والexam صعب عليا والشباب يخفف عنها شوية شوية

وياسلام لو معادها قرب تجرى تعمل موضوع طويل عريض وتقولك عندى exam ياجماعه ودعواتكم ليا ال يعنى الجمهورية كلها محدش بيمحتن غير المحروسة بسلامتها

وهي اساسا تلاقيها واخدة دبلوم وملقحه فى البيت




النووووووووع الروش

دا بقى نوع تلاقية اشترك فى المنتدى النهاردة مثلا

فى يومين تلاقيها 3000 مشاركه

لها فى الموضوع الواحد 40 رد

حد يقولها شكرا تقولة العفو ياحياتى

وياسلام بقى لو موضوع كاتبة مشرف ولا حاجه

ياسلام عالفن وياسلام عالابداع بس حضرتك فى حاجه صغنونه مش فهماها

ممكن تراسلنى عالايميل علشان استفيد من علمك شوية

ودى تلاقي الرسايل الخاصة عندها اد كدا

وتمسك الاعضاء تترسم قدامهم انها مصاحبة المشرف الفلانى

وتترسم عالمشرفين انها بنت عم المشرف العام الفلانى

وفى الاخر تلاقيها عاملة نفسها اخت صاحب السايت

ولو حد جه فى موضوع وقالها يابت بس تلاقيها راحت عملت مواضيع بالعبيط وتقول انا هسيب السايت

انا هنتحر ،، وهرمى نفسى من فوق السطوح

وتلم الناس كلها حواليها ولو تقدر تجيب الناس اللى فى المواقع الى جنبنا كمان هتعملها



فى بقى النوع الاليط

تعمل فيها البنوته المدللة الدلوعه

اذا دخلت موضوع عن الطبيخ تقولك تسلم ايدك بس انا مليش دعوة بالحاجات دى ،، عندنا 3 طباخين هما اللى بيعملوا كل حاجه

وهي اساسا تلاقيها ايديها وارمه من غسيل الصحون ويمكن عربيات كمان

وياسلام لو دخلت موضوع عن اماكن سياحية ولا حاجه

اول ما تدخل تقولك

اووووووووووووووووووووووواه واو دا نفس المكان الى بروحه انا ودادى كل صيف

واحنا اساسا عندنا محلات وشركات وعقارات هناك ،،

وهيا اساسا اخرها Giza Zoo دا اذا ابن الجيران رضى عنها وخدها يفسحها هناك

والنوع دا بقى لو اتكلمت قدامه عن المحلات والمولات وكدا

تقولك انا اساسا الساعات اللى عندها كلها من نفس الماركه دى والمكياج بتاعى مش بشترية الا من المحل دا والمصمم اللى بصمم عنده بيجاماتى وجلبياتى وفساتينى ..... الخ الخ

الأنواع دي موجودة في كل حتة وبنشوفها في كل مكان بس واضح إنك متعقد

انت كده لفت نظرى لحاجة مهمة!
شرط الجواز ميكونش عندها نت ولا مبتدخل منتديات.
بس دى ألاقيها فين؟؟

عامة يا دراي انا عارف انت تلاقيها فين
وعامةا ao البنات كلهم كده مش في المنتديات بس ده في الحقيقة كمان ويا سلام انها في الحقيقة تتطله المرايه اللي شحناها قبل ماتيج تقابلك او الليجايباها بربع جنيه وتظبط وتشوف نفسها فيها ولو راكب عربية تعض تظبط نفسها في المراية وتقرك وانت سايق لحد ماتنزلها وتدوس عليها وعامة الولاد برضه فيهم حوار المراية ده وفي ناس فاهماني طبعا

عيب عليك مش مهم المراية المهم تبقى عارف إنتا شايف ميييين
وتعرف نفسك صح